Family2Focus

  في اسباب بتكون قبل ولادة الطفل زي العدوي اللي ممكن تصيب الام وقت الحمل او سوء التغذية. اسباب بتكون وقت الودة زي ان الطفل موصلش ليه الاكسجين وقت الولادة او بيحصل اصابة في المخ. سبب تالت دة بيكون بعد ما الطفل بيتولد وبيكون كويس جدا لكنه بيتعرض لاصابة او مرض بيؤثر في المخ وبيعمل خلل .

الإعاقة العقلية او الفكرية: الإعاقة العقلية ليها تعريفات كتير طبي وسيكو متري واجتماعي وكمان تعريف خاص بالجمعية الامريكية للعاقة العقلية التعريف الطبي: الإعاقة العقلية بتحدث بسبب إصابة في المراكز العصبية الخاصة بالدماغ قبل الولادة او بعدها ودة بياثر على اكتمال عمر الدماغ. التعريف السيكو متري: يعتمد على نسبة ذكاء الطفل يعني (I,Q) واعتبر ان أي طفل ذكاءه اقل من 75 يعتبر معاق عقليا. التعريف الاجتماعي: فشل الطفل في تحقيق مهارات الحياة اليومية ودة بالمقارنة مع الأطفال الي في نفس السن. الخلاصة: الطفل المعاق عقليا هو اللي بيكون عنده نقص في القدرات العقلية وبالتالي تؤثرعلى العلاقات الاجتماعية والجوانب الاكاديمية ومهارات الحياة اليومية بالمقارنة مع الأطفال من نفس السن.

 مجال من مجالات التربية الحديثة اتعمل علشان تربية الأطفال الغير عاديين او ذوي القدرات الخاصة. والتربية الخاصة هي اللي بتساعد الطفل علي التعلم علي حسب قدراته وحاجاته. فئات التربية الخاصة: المعاقين بمختلف درجات وأنواع الإعاقة (العقلية – السمعية – البصرية – الجسمية والحركية – صعوبات التعلم – مشكلات اللغة والنطق والاتصال – الاضطرابات الانفعالية والسلوكية والتوحد). الموهوبين بمختلف انواعهم  المعرضون للإعاقة بسبب حرمان حضاري او اقتصادي.

 اعرف ازاي ان ابني عنده توتر؟ في توتر إيجابي: دة بيكون توتر بسيط ومش بيطول عادي بيحصل لكل الأطفال يقدر يتغلب عليه من خلال احتواءه من اللي حواليه وكمان دة بيخليه يقدر يواجه مشاكلة وكمان بيزيد عنده الابداع ويكون واثق في نفسه الثاني بقي اسمه التوتر المحتمل: دة بيزيد شوية مع الطفل في مدته بس لو اهتمينا بالطفل وساعدناه على انه يهدا مش بيحصل حاجة وبيكون كويس. النوع التالت وده أصعب واحد واسمه التوتر السام: دي بتحصل للطفل كتير جدا بسبب عدم اهتمام الوالدين بالطفل وكمان مفيش أي حد بيساعد الطفل انه يكون كويس. طيب ليه اسمه توتر سام؟ النوع دة من التوتر بيخلي صحة الطفل الجسدية والنفسية وكمان السلوكية سيئة جدا يعني ممكن يسببله صداع والام في البطن وكمان نوبات هلع وارتفاع في ضغط الدم والسكر وتصلب الشرايين. في اعراض للتوتر زي انه يكون مش عايز يلعب او يعمل أي نشاط بالرغم من انه كان بيعملهم قبل كدا وبيستمتع بيهم. كمان ممكن نلاقيه مش عارف ينام ومعندوش ثقة في نفسه و بيحس ان اللي حواليه مش بيحبوه. كمان بنلاقيه بياكل كتير جدا او مش بياكل أصلا ده غير الاكتئاب والخوف الزيادة.

تعرف ان الاهتمام بالأطفال يعتبر دافع أساسي لاستمرار وبقاء الجنس البشري. بسبب الدافع دة حصل تطور على مر العصور في تربية الأبناء كمان العنف اللي بيحصل بين الوالدين والخناقات او فقدان حد من الاهل. وعمتا لو الطفل مش مرتاح ودايما حاسس بتعب وارهاق دة بيخليه يحس بالتوتر.